Yevropa chempionlar ligasining 4-haftasidagi eng yaxshi futbolchi sovriniga da’vogar futbolchilar nomi e’lon qilindi. Mazkur ma’lumot UYEFA ning rasmiy saytida paydo bo‘ldi.

Nomzod futbolchilar bilan tanishing: “Tottenxem” hujumchisi Xarri Keyn, “Srvena Zvezda” to‘purari Milan Pavkov, “Manchester Siti” futbolchisi Riad Mahrez va “Real” a’zosi Karim Benzema.

Ma’lumot uchun, Keyn “Tottenxem” – “PSV” uchrashuvida dubl qayd etdi, Milan Pavkov ham “Srvena Zvezda” – “Liverpul” uchrashuvida o‘z hisobiga ikkita gol yozdi.

“Manchester Siti” – “Shaxtyor” uchrashuvida Mahrez bitta gol urib ikkita golli uzatmani amalga oshirdi. Benzema esa “Viktoriya Plzen” darvozasiga ikkita gol urdi.