Xabaringiz bor, bugun PEPSI Superligasi 31-turi 23 noyabrda “Qizilqum” – “Neftchi” o‘yini bilan start oladi. “Qizilqum” 30 ochko to‘plab, quyi oltitalikda ikkinchi o‘rinni egallab turibdi. “Neftchi” esa 17 ochko to‘plab, oxirgi ikki turda 6 ochko to‘plagan taqdirda ham, keyingi mavsumni Pro ligada o‘tkazishi oydinlashdi: o‘zaro o‘yinlar bo‘yicha hozir 10 va 11-o‘rinlarni egallab turgan AGMK va “Nasaf” jamoalariga “Neftchi” imkoniyatni boy bergan.

“Bunyodkor” – “Metallurg” uchrashuvi 24 noyabr 14:00 da bo‘lib o‘tadi.

“Qo‘qon-1912” – “So‘g‘diyona”, “Nasaf” – AGMK va “Buxoro” – “Navbahor” uchrashuvlari 25 noyabr kuni bir vaqtda, ya’ni 15:00 da boshlanadi. “Qo‘qon-1912”, AGMK va “So‘g‘diyona” PEPSI Superliga 9-o‘rinini egallash uchun har uchchala jamoaning ham imkoniyati bor. 10 va 11-o‘rinlarni egallagan jamoalar Pro liganing “Istiqlol” – “Nurafshon” va “Mash’al” – “Sherdor” juftliklari g‘oliblari bilan Superligada qolish uchun kuch sinashishadi.

Turning markaziy o‘yini “Lokomotiv” – “Paxtakor” 26 noyabr kuni bo‘lib o‘tadi. Ushbu o‘yinda PEPSI Superliga-2018 chempioni aniqlanishi mumkin. Agar “Lokomotiv” “Paxtakor” ustidan g‘alaba qozonsa yoki durang qayd etsa, chempionat tugashiga bir tur qolganda “Lokomotiv” jamoasi chempionlikni qo‘lga kiritadi.

PEPSI Superliga / 31-tur

23 noyabr, juma
“QIZILQUM” — “NEFTCHI” - 18:00

24 noyabr shanba
“BUNYODKOR” — “METALLURG” - 14:00

25 noyabr, yakshanba
“QO‘QON-1912” — “SO‘G‘DIYONA” - 15:00
“NASAF” — AGMK - 15:00
“BUXORO” — “NAVBAHOR” - 15:00

26 noyabr, dushanba
“LOKOMOTIV” — “PAXTAKOR” - 18:00