O‘zbekiston XXVII milliy chempionatining so‘nggi turidan o‘rin egallagan uchrashuv ushbu jamoalarning o‘zaro 42-o‘yini bo‘ladi.
Ortda qolgan uchrashuvlarning 18 tasida “Metallurg” g‘alaba qozongan bo‘lsa, xuddi shuncha uchrashuvda “Buxoro” ham zafar quchgan. 5 ta o‘yinda esa durang natija qayd etilgan.
To‘plar nisbatidagi kichik farq buxoroliklar foydasiga – 58:56. “Metallurg”ning “Buxoro” ustidan qozongan eng yirik g‘alabasi 3:0 ga teng, bekobodliklar bir marta o‘z maydonida, bir marta Buxoro shahrida shunday muvaffaqiyatga erishgan. “Buxoro”ning bekobodliklar ustidan erishgan eng yirik g‘alabasi – 4:0.
Mazkur jamoalarning Bekobodda o‘tkazilgan o‘yinlarida “Metallurg” to‘liq ustunlikka ega bo‘lib kelmoqda. Mezbonlar 20 ta uchrashuvning 16 tasida zafar quchishgan, ilk o‘yinda kuchlar teng kelgan, 3 bor esa buxoroliklar g‘alaba nashidasini surishgan.
Bekobodda o‘tgan so‘nggi beshta uchrashuv:
29.04.2018 «Metallurg» - «Buxoro» 2:1
29.04.2017 «Metallurg» - «Buxoro» 1:2
24.09.2016 «Metallurg» - «Buxoro» 1:2
30.10.2015 «Metallurg» - «Buxoro» 1:2
22.08.2014 «Metallurg» - «Buxoro» 4:3.
