«Palermo» xo‘jayini Maurisio Dzamparini klubni juda arzon narxga sotib yubordi.

Sky Sport xabariga ko‘ra, Dzamparini «Palermo»ning 100% aksiyasini 10 yevroga britaniyalik investorlarga pullagan.

Bundan tashqari, klub brendiga egalik qiluvchi Mepal kompaniyasi ham «Palermo»ning 22,8 million yevro miqdoridagi qarzini to‘lash sharti bilan arzon-garovga berib yuborilgan.

Dzamparini «Palermo»ni 2002 yilda xarid qilgan edi. 16 yillik faoliyati davomida u 43ta murabbiyni iste’foga chiqargani bilan nom qozondi. Bundan tashqari, bir marta klub bilan Italiya Kubogi finaliga chiqdi. Ayni paytda jamoa V Seriyada peshqadamlik qilmoqda.