UEFA 2021 yildan boshlab klublar o‘rtasida uchinchi turnirini tashkil etishni ma’qulladi.

Yangi turnir Chempionlar Ligasi va Yevropa ligasi kabi o‘tkaziladi. Ammo saviya borasida qit’aning klublar o‘rtasidagi uchinchi turniri bo‘ladi. Yangi musobaqaga hozircha nom berilmadi.

Guruh bosqichida 32 jamoa ishtirok etadi. Ushbu formatda guruh bosqichi (8 ta guruh — har bir guruhda 4 ta jamoa), 1/8 final, chorak final, yarim final va finaldan iborat bo‘ladi. 1/8 finalga qadar qo‘shimcha pley-off bosqichi bo‘ladi. Yangi musobaqaning guruh bosqichida 2-o‘rinni egallagan klublar Yevropa ligasi guruh bosqichida 3-o‘rinni band etgan jamoa bilan pley-off shaklda o‘tish bahslarida ishtirok etishadi.

Yangi turnir 15 o‘yin kunidan iborat bo‘lib, jami 141 ta o‘yin bo‘lib o‘tadi - xuddi Yevropa ligasida bo‘lgani kabi. Yangi turnir g‘olibiga Yevropa ligasining keyingi mavsumi uchun yo‘llanma beriladi.

Uchrashuvlar payshanba kunlari bo‘lib o‘tadi. Shunday qilib, Chempionlar Ligasi seshanba va chorshanba kunlari, Yevropa ligasi va yangi turni o‘yinlari payshanba kuni o‘tkaziladi.

Barcha klub turnirlarining finallari bir hafta ichida - chorshanba kuni (yangi musobaqa), payshanba kuni (Evropa ligasi) va shanba (Chempionlar ligasi) da o‘tkaziladi.