Ispaniyaning ikki klubi “Vest Xem” hujumchisi Xavyer Ernandesga qiziqib qoldi. Bu haqda Elgoldigital nashri xabar bermoqda.

Manbaning xabariga ko‘ra, 30 yoshli futbolchi xizmatlariga “Valensiya” va “Real Sosyedad” klublari qiziqish bildirmoqda. Mazkur klublar futbolchini qishki transfer oynasidayoq jamoaga olib kelmoqchi.

Futbolchiga shuningdek, Turkiyaning “Beshiktosh” klubi ham qiziqib qolgan.

Eslatib o‘tamiz, Chicharito joriy mavsum “Vest Xem” safida 12 ta o‘yinda ishtirok etib, 4 ta gol urgan va 1 ta golga assistentlik qilgan. Uning transfer narxi taxminan 12 million yevroga baholanmoqda.