Испаниянинг икки клуби “Вест Хэм” ҳужумчиси Хавьер Эрнандесга қизиқиб қолди. Бу ҳақда Elgoldigital нашри хабар бермоқда.
Манбанинг хабарига кўра, 30 ёшли футболчи хизматларига “Валенсия” ва “Реал Сосьедад” клублари қизиқиш билдирмоқда. Мазкур клублар футболчини қишки трансфер ойнасидаёқ жамоага олиб келмоқчи.
Футболчига шунингдек, Туркиянинг “Бешиктош” клуби ҳам қизиқиб қолган.
Эслатиб ўтамиз, Чичарито жорий мавсум “Вест Хэм” сафида 12 та ўйинда иштирок этиб, 4 та гол урган ва 1 та голга ассистентлик қилган. Унинг трансфер нархи тахминан 12 миллион еврога баҳоланмоқда.
