Braziliyalik futbol afsonasi Pele uni Messiga tenglashtirmasliklarini aytdi.
“Meni nega Messi bilan tenglashtirasiz? Axir u faqat chap oyog‘ida ishlaydi, bosh bilan o‘ynay olmaydi. Yaxshisi, uni Maradona bilan taqqoslang, hatto Maradona ham Messidan kuchliroq”, dedi Pele.
78 yoshli Pele faoliyati davomida “Santos” va “Nyu-York Kosmos” sharafini himoya qilgan. Terma jamoa safida 92 ta o‘yinda 77 ta gol urgan. Jami 37 ta sovrinni qo‘lga kiritgan, shulardan uchtasi jahon chempionligidir.
Messi esa “Barselona”da o‘ynamoqda, U terma jamoa safida 128 ta o‘yinda 65 ta gol urgan. 35 ta sovrinni qo‘lga kiritdi hozirgacha, ulardan to‘rttasi Chempionlar ligasi g‘olibligidir.
