"BAAdagi Osiyo Kubogida g‘alaba qozonib, bosh sovrinni Yaponiyaga qaytarishga harakat qilamiz. 2015 yilda buni uddalay olmagandik. Musobaqada g‘olib chiqish uchun 7ta o‘yin o‘tkazish kerak. O‘yindan o‘yinga kuchayib borishga intilamiz. Terma jamoaning asosiy tarkibini shakllanitirish menga katta qiyinchilik tug‘dirdi. Ko‘plab futbolchilarimizda jarohat bor edi. Ayni paytda eng yaxshi sport formasida bo‘lib turgan futbolchilarni terma jamoaga jalb qilishga harakat qildim. Bir tomondan Rossiyadagi mundialda qatnashgan tajribali futbolchilar xizmatidan foydalanishni istadim, boshqa tomondan esa yosh futbolchilarga ham imkon berishga harakat qildim. Bizga qarshi barcha raqiblarimiz katta kuch bilan maydonga tushishadi. Shu sababli biz ulardan zo‘rroq bo‘lishga harakat qilishimiz kerak", - deya o‘z fikrlarini bildirib o‘tdi Xajime Moriyasu.
Kengaytirilgan tarkibdan quyidagi futbolchilar joy olishdi:
Darvozabonlar: Daniel Shmidt (“Vegalta Sendai”) Shuichi Gonda (“Sagan Tosu”) Masaaki Xigashiguchi (“Gamba Osaka”). Himoyachilar: Tomoaki Makino (“Urawa Reds”) Sho Sasaki (“Sanfrecce Hiroshima”) Xiroki Sakai (“Marseille”) Genta Miura (“Gamba Osaka”) Sei Muroya (“FC Tokyo”) Maya Yoshida (“Southampton”) Takaxiro Tomiyasu (“Sint-Truiden”) Yuto Nagatomo (“Galatasaray”) Yarim himoyachilar: Vataru Endi (“Sint-Truiden”) Toshixiro Aoyama (SanfrecceHiroshima) Shoya Nakajima (“Portimonense”) Takumi Minamino (“Salzburg”) Gaku Shibasaki (“Getafe”) Xidemasa Morita (“Kawasaki Frontale”) Risu Doan (“Groningen”) Genki Xaraguchi (“Hannover”) Junya Ito (“Kashiwa Reysol”) Hujumchilar: Takuma Asano (“Hannover”) Yuya Osako (“Werder Bremen”) Koya Kitagava (“Shimizu S-Pulse”) Bosh murabbiy: Xajime Moriyasu Eslatib o‘tamiz, O‘zbekiston MTJ Osiyo Kubogida «F» guruhida Yaponiya, Ummon va Turkmanistonga qarshi bahs olib boradi.
