UYEFA tashkiloti moliyaviy feyr-pley qoidalarini buzgan Italiyaning “Milan” klubini jazoga tortdi.
Klub Yevropa Ligasi guruh bosqichidagi ishtiroki uchun ajratilgan 12 mln yevro miqdoridagi mukofot pullarini olmaydi.
“Milan” keyingi ikkita yevrokubok musobaqasida 21tadan ortiq futbolchini ro‘yxatdan o‘tkaza olmaydi.
Shuningdek, “Milan” 2021 yilning 30 iyuniga qadar zarar ko‘rmaydigan klubga aylanashi kerak. Agar bunday bo‘lmasa klub 2022/23 va 2023/24 mavsum yevrokuboklaridan chetlatiladi.
Avvalroq, “Milan” 20 mln yevro miqdorida jarimaga tortilishi mumkinligi xabar qilingandi.













