2018 yil o‘zbek sporti uchun har tomonlama muvaffaqiyatli kechdi. Yil davomida o‘zbekistonlik sportchilar Indoneziyada o‘tkazilgan XVIII Osiyo va III ParaOsiyo o‘yinlari, shuningdek, Argentinadagi III yozgi o‘smirlar Olimpiya o‘yinlarida munosib ishtirok etishdi.

Bugun, 28 dekabr kuni “O‘zbekiston xalqaro anjumanlar saroyi”da O‘zbekiston Milliy olimpiya qo‘mitasi tomonidan ilk marotaba “National Sports awards-2018” (Milliy sport mukofoti-2018) taqdirlash kechasi tashkil etildi.

“Milliy sport mukofoti - 2018” tantanali taqdirlash kechasiga eng yaxshi sportchilar, sport tashkilotlari vakillari, sport faxriylari, Olimpiya o‘yinlari chempionlari, o‘zbekestradasi yulduzlari, ommaviy axborot vositalari xodimlari tashrif buyurdilar.

Marosim davomida quyidagi yo‘nalishlar bo‘yicha eng yaxshilar aniqlandi:

O‘zbekiston U23 (futbol) – Yilning eng yaxshi sport jamoasi;

Shaxmat federasiyasi – Yilning eng yaxshi innovasion va intellektual faol federasiyasi;

O‘zbekiston kurash federasiyasi – Yilning eng faol federasiyasi;

Andijon viloyati sport boshqarmasi – Joylarda (hududlarda) sportni rivojlantirishga qo‘shgan hissasi uchun;

O‘zbekiston futbol assosiasiyasi prezidenti Achilboy Ramatov – Eng yaxshi sport homiysi;

Rufat Risqiyev – Sport sohasidagi ko‘p yillik xizmati uchun;

Oksana Chusovitina – Xalqaro maydonlarda o‘zbek sportini targ‘ib qilgani uchun;

Zafar Imomxo‘jayev – Eng faol sport targ‘ibotchisi;

Roza Qo‘ziyeva – Yilning eng yaxshi paralimpiyachisi;

Marina Yakubova – Yilning eng yaxshi sport jurnalisti;

“UzReport” telekanali direktori Ravshan Jo‘rayev – Sport sohasini rivojlantirishga qo‘shgan hissasi uchun; 

Zohid Karimov (“Sport” telekanali) – Eng yaxshi ijtimoiy rolik;

Akbar Jo‘rayev – Yil kashfiyoti;

Marat Qurbonov – Yilning eng yaxshi murabbiyi;

Abdumalik Xalakov – Yilning yosh va istiqbolli sportchisi;

Svetlana Radzivil – Yilning eng yaxshi ayol sportchisi;

Bekzod Abduraxmonov – Yilning eng yaxshi erkak sportchisi.