2018 йил ўзбек спорти учун ҳар томонлама муваффақиятли кечди. Йил давомида ўзбекистонлик спортчилар Индонезияда ўтказилган XVIII Осиё ва III ПараОсиё ўйинлари, шунингдек, Аргентинадаги III ёзги ўсмирлар Олимпия ўйинларида муносиб иштирок этишди.

Бугун, 28 декабрь куни “Ўзбекистон халқаро анжуманлар саройи”да Ўзбекистон Миллий олимпия қўмитаси томонидан илк маротаба “National Sports awards-2018” (Миллий спорт мукофоти-2018) тақдирлаш кечаси ташкил этилди.

“Миллий спорт мукофоти - 2018” тантанали тақдирлаш кечасига энг яхши спортчилар, спорт ташкилотлари вакиллари, спорт фахрийлари, Олимпия ўйинлари чемпионлари, ўзбекэстрадаси юлдузлари, оммавий ахборот воситалари ходимлари ташриф буюрдилар.

Маросим давомида қуйидаги йўналишлар бўйича энг яхшилар аниқланди:

Ўзбекистон U23 (футбол) – Йилнинг энг яхши спорт жамоаси;

Шахмат федерацияси – Йилнинг энг яхши инновацион ва интеллектуал фаол федерацияси;

Ўзбекистон кураш федерацияси – Йилнинг энг фаол федерацияси;

Андижон вилояти спорт бошқармаси – Жойларда (ҳудудларда) спортни ривожлантиришга қўшган ҳиссаси учун;

Ўзбекистон футбол ассоциацияси президенти Ачилбой Раматов – Энг яхши спорт ҳомийси;

Руфат Рисқиев – Спорт соҳасидаги кўп йиллик хизмати учун;

Оксана Чусовитина – Халқаро майдонларда ўзбек спортини тарғиб қилгани учун;

Зафар Имомхўжаев – Энг фаол спорт тарғиботчиси;

Роза Қўзиева – Йилнинг энг яхши паралимпиячиси;

Марина Якубова – Йилнинг энг яхши спорт журналисти;

“UzReport” телеканали директори Равшан Жўраев – Спорт соҳасини ривожлантиришга қўшган ҳиссаси учун; 

Зоҳид Каримов (“Спорт” телеканали) – Энг яхши ижтимоий ролик;

Акбар Жўраев – Йил кашфиёти;

Марат Қурбонов – Йилнинг энг яхши мураббийи;

Абдумалик Халаков – Йилнинг ёш ва истиқболли спортчиси;

Светлана Радзивил – Йилнинг энг яхши аёл спортчиси;

Бекзод Абдурахмонов – Йилнинг энг яхши эркак спортчиси.