Angliyaning “Manchester Yunayted” klubining vaqtinchalik ustozi  Ole-Gunnar Sulsher mavsum yakuniga yetganidan keyin ham jamoada qolishi mumkinligini aytdi.

“Keyingi besh oyda men «Yunayted»ni boshqaraman. So‘ng jamoani kimgadir topshirishim kerak. Rejamiz shunday. Menning bu yerdagi bosh vazifam – jamoa o‘yiniga ijobiy ta’sir o‘tkazish va bu davrda hujumkorlikni kuchaytirish.

Albatta, natija – muhim, lekin men futbolchilarga ular to‘g‘ri yo‘lda ekanliklarini uqtira olishim zarur. Mana shundagina oradan ikki-uch yil o‘tib, jamoa sovrinlarni qo‘lga kiritsa, bunda mening ham hissam borligini faxr bilan ayta olaman.

May oyida o‘rnimni kimdir egallashi mumkinligini bilaman, ammo ungacha ishlarimiz yurishib, rahbarlar men bilan to‘laqonli shartnoma tuzishni istab qolishsa, ishonchim komilki, biz kelisha olamiz”, — deydi Sulsher.