"PSJ" hujumchisi Neymarning otasi o‘z o‘g‘liga qo‘pol o‘ynaydiganlar va uni simulyasiyada ayblaydigan matbuot haqida fikr bildirdi.
"JCH-2014. Bema’ni bag‘ritoshlik. Biz duo qildik va o‘g‘limning omdi kelib, nogiron bo‘lib qolmaganini tushundik. Xudoga shukur, bunday bo‘lmadi.
JCH-2018. O‘yin to‘xtatilgan vaqtda o‘g‘limning tovoniga zarar yetkazdilar. Hech narsa bo‘lmadi deyishdi, simulyasiya deb atashdi. Hakamda VAR bor edi, butun dunyo ko‘rdi, ammo Neymarni ayblashdi.
Fransiya kubogi-2019. Qatorasiga to‘rtta fol, shundan so‘ng o‘g‘limni safdan chiqarishdi.
Agar Neymar o‘zini foldan himoya qilsa, bu simulyasiya emish. Xudoyim.
Men ko‘p yillar davomida o‘g‘limning barcha o‘yinlariga borganman. U bolaligida hammadan yengil va chaqqon di va unga bitta maslahat berganman: Ular bilan hech qachon kurashma. Sen yengilasan - bu fizika qonuni. Agar vaziyatda g‘olib chiqishni istasang, chaqqonroq bo‘l. To‘qnashishdan qocha olmasang, bu havoda sodir bo‘lsin. Shox havoda sinmaydi, yerda esa sinadi.
Qoidalarda 2014 yilda o‘g‘lim olgan zarbadan saqlanish borasida maslahat yo‘q, ammo hakamlar buni qilishlari kerak.
Bu otaning yig‘isi emas, bu shunchaki futbol tizimidan, OAVdan, ba’zi noma’qul ekspertlardan charchaganim belgisi.
O‘g‘lim hozir ham o‘rnidan turadi va olg‘a intiladi, yanada kuchliroq bo‘ladi", - deydi Neymar da Silva.
