"ПСЖ" ҳужумчиси Неймарнинг отаси ўз ўғлига қўпол ўйнайдиганлар ва уни симуляцияда айблайдиган матбуот ҳақида фикр билдирди.

"ЖЧ-2014. Бемаъни бағритошлик. Биз дуо қилдик ва ўғлимнинг омди келиб, ногирон бўлиб қолмаганини тушундик. Худога шукур, бундай бўлмади.

ЖЧ-2018. Ўйин тўхтатилган вақтда ўғлимнинг товонига зарар етказдилар. Ҳеч нарса бўлмади дейишди, симуляция деб аташди. Ҳакамда ВАР бор эди, бутун дунё кўрди, аммо Неймарни айблашди.

Франция кубоги-2019. Қаторасига тўртта фол, шундан сўнг ўғлимни сафдан чиқаришди.

Агар Неймар ўзини фолдан ҳимоя қилса, бу симуляция эмиш. Худойим.

Мен кўп йиллар давомида ўғлимнинг барча ўйинларига борганман. У болалигида ҳаммадан енгил ва чаққон ди ва унга битта маслаҳат берганман: Улар билан ҳеч қачон курашма. Сен енгиласан - бу физика қонуни. Агар вазиятда ғолиб чиқишни истасанг, чаққонроқ бўл. Тўқнашишдан қоча олмасанг, бу ҳавода содир бўлсин. Шох ҳавода синмайди, ерда эса синади.

Қоидаларда 2014 йилда ўғлим олган зарбадан сақланиш борасида маслаҳат йўқ, аммо ҳакамлар буни қилишлари керак.

Бу отанинг йиғиси эмас, бу шунчаки футбол тизимидан, ОАВдан, баъзи номаъқул экспертлардан чарчаганим белгиси.

Ўғлим ҳозир ҳам ўрнидан туради ва олға интилади, янада кучлироқ бўлади", - дейди Неймар да Силва.