Angliyaning “Manchester Siti” klubi bosh murabbiyi Pep Gvardiola Angliya chempionatining o‘tgan turida “Nyukasl”dan uchralgan mag‘lubiyat haqida fikr bildirdi.

“Albatta, biz so‘nggi o‘yindan qoniqmadik. Buni hamma tushunib turibdi. Ammo, agar bizda motivasiya bo‘lmaganida hozirda to‘rtda frontda kurashmayotgan bo‘lardik. Buning iloji bo‘lmasdi.

Biz har bir bahsda yanada yaxshiroq harakat qilishimiz kerak, har bir o‘yin – bu yangi chorlov. Ba’zida yuksalish, ba’zida esa pastlashlar bo‘lib turadi.

Bu hafta barcha kuchli oltilikdagi jamoalar qiyinchilikka uchradi. Oldinda ko‘plab o‘yinlar bor va gohida ular qiyinchilik tug‘diradi. Bu sinov”, -deydi Gvardiola.