«Barselona» klubi Ispaniya chempionatining 22-turi doirasida «Valensiya» bilan durang o‘ynadi – 2:2. Kataloniyaliklar hujumchisi ushbu o‘yinda ikkita gol urishga muvaffaq bo‘ldi.

Shu tariqa, argentinalik futbolchining ushbu mavsumdagi gollari soni 21taga yetdi. 31 yoshl futbolchi Ispaniya La ligasida ketma-ket 11ta mavsumdan beri kamida 20ta gol urib kelmoqda. Messining rekordi 2011/12 yilgi mavsumga to‘g‘ri keldi — 50ta gol.

Messining so‘nggi 11 mavsumda La ligada urgan gollari:
2008/09 — 23ta gol
2009/10 — 34
2010/11 — 31
2011/12 — 50
2012/13 — 46
2013/14 — 28
2014/15 — 43
2015/16 — 26
2016/17 — 37
2017/18 — 34
2018/19 — 21 (hozircha...)

Faktlar:
— Messi 2003 yildan beri «Barselona» sharafini himoya qiladi.
— Argentinalik futbolchining "ko‘k-anorranglilar" bilan shartnomasi 2021 yilning yoziga qadar tuzilgan.