«Барселона» клуби Испания чемпионатининг 22-тури доирасида «Валенсия» билан дуранг ўйнади – 2:2. Каталонияликлар ҳужумчиси ушбу ўйинда иккита гол уришга муваффақ бўлди.

Шу тариқа, аргентиналик футболчининг ушбу мавсумдаги голлари сони 21тага етди. 31 ёшл футболчи Испания Ла лигасида кетма-кет 11та мавсумдан бери камида 20та гол уриб келмоқда. Мессининг рекорди 2011/12 йилги мавсумга тўғри келди — 50та гол.

Мессининг сўнгги 11 мавсумда Ла лигада урган голлари:
2008/09 — 23та гол
2009/10 — 34
2010/11 — 31
2011/12 — 50
2012/13 — 46
2013/14 — 28
2014/15 — 43
2015/16 — 26
2016/17 — 37
2017/18 — 34
2018/19 — 21 (ҳозирча...)

Фактлар:
— Месси 2003 йилдан бери «Барселона» шарафини ҳимоя қилади.
— Аргентиналик футболчининг "кўк-анорранглилар" билан шартномаси 2021 йилнинг ёзига қадар тузилган.