"Manchester Siti" klubi Angliya liga kubogi finaliga o‘ynashi munosabati bilan APLning 27-turi doirasida "Everton"ga qarshi bahsni ertaroq o‘tkazdi.

Gvardiola shogirdlari birinchi bo‘limga qo‘shib berilgan daqiqalarda Emerik Laport tomonidan kiritilgan gol evaziga hisobni ochishdi. Ikkinchi bo‘limga qo‘shib berilgan kompensasiya vaqtida esa Gabriyel Jezus "shaharliklar"ning ikkinchi golini kiritdi va o‘yin taqdirini to‘la-to‘kis hal qildi.

Ushbu g‘alabadan keyin "Manchester Siti" o‘z ochkolarini 62taga yetkazib, to‘plar farqiga ko‘ra, "Liverpul"dan o‘tib ketdi. Mersisaydliklar hisobida o‘yinlar soni bittaga kam.

APL, 27-turning ko‘chirilgan o‘yini
Everton – Manchester Siti 0:2 (0:1, 0:1)
Gollar: 0:1 – 45 Laport, 0:2 – 90 Gabriel Jezus.
Everton – Pikford, Kenni, Kin, Zuma, Din, Guye, Andre Gomesh (Sigurdsson, 63), Uolkott (Tosun, 80), Devis, Bernard (Risharlison, 73), Kelvert-Lyuin.
Manchester Siti – Ederson, Uoker, Stounz, Otamendi, Laport, Gyundogan, Fernandinyo, Silva (de Bryuyne, 89), Bernardu Silva, Aguero (Gabriel Jezus, 80), Sane (Sterling, 59).
Ogohlantirishlar: Fernandinyo (73), Zuma (82).