19-24 fevral kunlari Bishkek shahrida boks bo‘yicha Duyshenkul Shopokov xotirasiga bag‘ishlangan 42-xalqaro turnir bo‘lib o‘tadi. Unda O‘zbekiston, Tojikiston, Rossiya, Qozog‘iston va Qirg‘iziston mamlakatlaridan 100 dan ziyod charm qo‘lqop ustalari sovrinli o‘rinlar uchun kurash olib boradilar.
Musobaqa erkaklar o‘rtasida 8 ta (-52 kg, -57 kg, -63 kg, -69 kg, -75 kg, -81 kg, -91 kg, +91 kg), ayollar o‘rtasida esa 5 ta (-49 kg, -57 kg, -64 kg, -69 kg, -75 kg) vazn toifasida tashkil qilinadi.
O‘zbekiston terma jamoasi turnirda quyidagi tarkibda ishtirok etadi:
Ayollar:
-49 kg: Gulasal Sultonaliyeva
-57 kg: Hilola Sobirova
-64 kg: Maftunaxon Meliyeva
-69 kg: Durdona Usmonova
-75 kg: E’zozaxon Meliyeva
Erkaklar:
-52 kg: Abrorjon Qodirov
-57 kg: Abdumalik Xalakov
-63 kg: Kamronbek Eshmatov
-69 kg: Jahongir Rahmonov
-75 kg: Otabek Turdixo‘jayev
-81 kg: Akmalbek Qosimov
-91 kg: Profsor Rorimsha
+91 kg: Rustamjon Ismoilov
Murabbiylar: Davron Gofurov, Qo‘ldoshboy Tojiboyev, Lochin Qo‘chqorov, Kamoliddin Mutalov.
Hamyurtimiz Qahramon Karimov musobaqada hakam sifatida faoliyat olib boradi.
