«Manchester Yunayted» yoshlar jamoasi himoyachisi, 19 yoshli futbolchi Maks Teylor onkologik kasallikni yengib o‘tishga muvaffaq bo‘ldi. U kimyoterapiya kursini muvaffaqiyatli o‘tadi va hozirda tiklanish jarayonini boshdan kechirmoqda.
«Menga yordam berayotgan klubga minnatdorchilik bildirmoqchiman. Kasallikni yengib o‘tishimda oila a’zolarim — onam, o‘gay otam Mettyu, akam Jorj, sevgilim Lidiya va boshqalar tomonidan berilgan yordamni so‘z bilan ifodalab bo‘lmaydi. Ularning qo‘llab-quvvatlashi qimmatli bo‘ldi», – dedi Teylor.
Maks Teylor avval Dann familiyasi ostida o‘ynagan. U ikki mavsum davomida "MYU" yoshlar jamoasi safida 27ta o‘yinda maydonga tushgan.