Namanganning “Navbahor” klubi rossiyalik yarim himoyachi Ivan Solovyov bilan 1+1 ko‘rinishida shartnoma imzoladi.
“Ivan Solovyov “Navbahor”ning Turkiyaning Antaliya shahridagi o‘quv-mashg‘ulot yig‘inida ishtirok etib, jamoa murabbiylarida yaxshi taassurot qoldirdi”, deyiladi klub xabarida.
Ma’lumot o‘rnida, Ivan Solovyov 1993 yilning 29 martida tug‘ilgan. Futbolchilik faoliyati davomida Rossiyaning “Dinamo” (Moskva), “Zenit” (Sankt-Peterburg), “Amkar” (Perm), “Fakel” (Voronej), “Dinamo” (Sankt - Peterburg) va Finlyandiyaning “Laxti” (Laxti) klublarida o‘ynagan. O‘tgan mavsumni Rossiyaning “Sochi” jamoasi tarkibida o‘tkazgan.
