Italiya chempionatining 24-turi doirasida kecha oqshom 2ta o‘yin bo‘lib o‘tdi.

"Inter" o‘z maydonida "Sampdoriya"ni qabul qilib, g‘alaba qozonishga muvaffaq bo‘ldi. Barcha gollar o‘yinning so‘nggi qismida, 5 daqiqa oralig‘ida kiritildi. Dastlab mezbonlar hisobni ochgan bo‘lsa, oradan 2 daqiqa o‘tib Gabbyadini muvozanatni tikladi. Oradan yana 3 daqiqa o‘tib esa "neradzurri" yarim himoyachisi Nainggolan raqib darvozasini ishg‘ol etib, jamoasiga g‘alabaga keltirdi.

"Napoli" esa o‘z uyida "Torino"ni qabul qilib, raqib darvozasiga yo‘l topa olmadi — o‘yinda hisob ochilmadi.

Natijada "Yuventus" va "Napoli" ochkolari o‘rtasidagi farq 13 ochkoga yetdi. "Inter" esa neapolliklardan 7 ochko ortda qolmoqda.

Italiya chempionati, 24-tur
Inter – Sampdoriya 2:1 (0:0, 2:1)
Gollar: 1:0 – 73 D`Ambrozio, 1:1 – 75 Gabbyadini, 2:1 – 78 Nainggolan.
Inter – Xandanovich, D`Ambrozio, de Vrey, Shkrinyar, Dalbert, Galyardini (Joau Mariu, 59), Brozovich, Politano (Kandreva, 69), Nainggolan (Vesino, 89), Perishich, Martines.
Sampdoriya – Audero, Bereshinski (Sala, 81), Tonelli, Andersen, Murru, Prat, Ekdal (Ronaldu Viyeyra, 81), Linetti, Saponara (Gabbyadini, 75), Defrel, Kualyarella.
Ogohlantirishlar: D`Ambrozio (17), Perishich (24), Linetti (28), Shkrinyar (31).

Napoli – Torino 0:0 (0:0, 0:0)
Napoli – Ospina, Malkyui, Maksimovich, Kulibali, Xyusay, Kalyexon (Mertens, 69), Fabian Ruis (Verdi, 70), Allan, Zelinski, Milik, InsinYE.
Torino – Sirigu, Isso, Nkulu, Moretti, de Silvestri, Ansaldi (Paridjini, 78), Rinkon (Meyte, 55), Lukich, Ayna, Berenger (Bazelli, 63), Belotti.
Ogohlantirishlar: Insinye (45), Rinkon (45), Moretti (58), Kulibali (60), Allan (65), Ayna (71), Xyusay (82), Malkyui (90).