Futbol haqida yuzlab filmlar suvratga olingan. Shunga qaramasdan, hammasi ham mashhurlikka erisha olmadi, ammo futbol mavzusidagi shunday filmlar borki, ularni ko‘rmagan muxlis bo‘lmasa kerak. Bugun shunday kinolar haqida to‘xtalamiz.
«La’natlangan Yunayted»
2009-yilda Buyuk Britaniyalik kino ustalari tomonidan olingan film -«Lids Yunayted» klubi bosh murabbiyi va uning yangi jamoadagi sarguzashtlarini o‘z ichiga oladi. Bu film bir necha tanlovlarda g‘olib chiqqan, sport haqida olingan kam sonli filmlardan biri. Undagi syujet sizni so‘nggi daqiqalargacha ushlab turadi.
«Bezorilar»
2005-yilda suvratga olingan film nafaqat «Vest Ham» balki butun Angliya futbol muxlislarining hayot tarzlarini ochib beradi. Bu film kattagina byudjet talab qilgan bo‘lsada, o‘zini to‘liq oqladi va shedevr filmlar qatoriga qo‘shildi.
«Gol»
Ko‘pchilik bu filmning 3 ta qismini ham ko‘rgan bo‘lsa, ajab emas. Meksika kinomatografiya ustalari aynan shu film orqali futbolning biz ko‘rmagan tomonlarini ochib berishga urinishgan. Kino futbolchi haqida emas, uni sevuvchi yigit haqida suvratga olingan desak, adashmagan bo‘lamiz.
«Yunayted-Myunhen Fojiasi»
.jpg)
Myunhen shaxrida 1958-yilda yuz bergan aviahalokatdan so‘ng klub futbolchilarining 3dan 2 qismi halok bo‘ladi. «Manchester Yunayted» klubi shok holatiga tushadi va tez orada faoliyatini tugatishi haqida mish-mishlar ko‘payib ketadi, ammo…
«Jangovor futbol»
Xitoylik kinomatograflar ushbu filmni suvratga olishgach, uzoq vaqt nima qilib qo‘yganlarini tushuna olishmagan bo‘lsa kerak. Ushbu film juda kichik byudjetda olingan bo‘lsada, katta mashhurlikka erishdi. Dunyoning deyarli barcha davlatlarida qayta-qayta qo‘yildi va olamshumul mashhurlik keltirdi. Film real voqealarni o‘z ichiga olmasada, samimiyligi va insoniylik hislarga boyligi bilan muxlislar qalbidan mustahkam joy egalladi.
Yuqoridagi filmlarni vaqt topib, albatta, ko‘rib chiqing. Sababi, ushbu filmlardan olingan fikr va mulohazalaringiz futbolni yanada chuqquroq tushunishingiz uchun hizmat qilishi aniq. Zero, futbol nafaqat o‘yin, balki, hayotimizning ajralmas bo‘lagiga aylanib ulgurdi!
Yahyoxo‘ja Ulug‘xo‘jayev
