Xabaringiz bor, O‘zbekiston futbol assosiasiyasi va O‘zbekiston Respublikasi Xalq ta’limi vazirligi hamkorligida umumta’lim maktab o‘quvchilari o‘rtasida mini-futbol bo‘yicha “Kelajagimiz umidlari” festivali tashkil etib kelinmoqda. 2019 yildagi dastlabki festivalga Namangan viloyatida start berildi.
Namangan shahar ixtisoslashtirilgan olimpiya zaxiralari maktab internati sport zalida bo‘lib o‘tgan festivalda Namangan shahridagi umumta’lim maktab o‘quvchilarining 3-sinf o‘quvchilari ishtirok etishdi.
Festivalni yuqori saviyada o‘tkazishda Namangan viloyat futbol assosiasiyasi xodimlari va murabbiylari, shuningdek, O‘zbekiston futbol assosiasiyasi Futbolni rivojlantirish departamenti xodimlari faol ishtirok etishdi.
Tadbir so‘nggida bolajonlarga O‘FA tomonidan sovg‘alar va sertifikatlar topshirildi.