Xabaringiz bor, yana bir necha kundan so‘ng poytaxtimizda Olimpiya terma jamoalari o‘rtasida Osiyo chempionatiga yo‘llanma beruvchi musobaqa start oladi. Yurtimiz mezbonlik qilishi belgilab qo‘yilgan “F” guruhidan Hindiston, Tojikiston va Pokiston OTJlari ham joy olgan edi.
Biroq Pokiston delegasiyasi mazkur turnirda ishtirok etmaydigan bo‘ldi. Shu tariqa, vakillarimiz qit’a chempionatiga chiqish uchun Hindiston va Tojikiston vakillariga qarshi maydonga chiqishadi. O‘yinlar taqvimi quyidagicha ko‘rinish oldi:
«F» guruhi
22 mart, 17:00
O‘zbekiston – Hindiston («Paxtakor» stadioni)
24 mart, 17:00
Tojikiston – Hindiston («Paxtakor» stadioni)
26 mart, 17:00
O‘zbekiston – Tojikiston («Paxtakor» stadioni)
Eslatib o‘tamiz, Olimpiya o‘yinlariga yo‘llanma beruvchi Osiyo chempionati kelasi yili Tailandda bo‘lib o‘tadi.
