Osiyo chempionlar ligasi guruh bosqichi 2-turidan o‘rin olgan “Ar-Rayyan” va “Lokomotiv” jamoalari o‘rtasidagi o‘yin yakuniga yetdi.
Birinchi o‘yinda bo‘lgani kabi "temiryo‘lchilar" bu safar ham tezkor gol urishga muvaffaq bo‘lishdi. Timurxo‘ja Abduxoliqovning pasidan keyin Turopov bo‘sh qolgan darvozani ishg‘ol qildi. To‘g‘ri, Diyor golni ofsayddan kiritdi. Ammo laynsmen buni aniqlay olmadi va gol inobatga olindi.
Shundan so‘ng to‘p nazorati va hujumlar soni bo‘yicha ustunlik toshkentliklar tomonida bo‘ldi. Oleg Zoteevning o‘zi ikkita qulay imkoniyatdan foydalana olmadi. Har safar himoyachimiz o‘ng oyog‘i bilan zarba berishga majbur bo‘ldi. Ammo chapaqay Oleg bu ishni qoyillata olmadi.
"Sen urmasang — senga urishadi". Birinchi bo‘limga tugashiga 7 daqiqa qolganida Luka de Brito ikki futbolchimiz orasidan yo‘llagan zarbani Ilyosov qaytara olmadi. Hisob tenglashdi.
Ikkinchi bo‘lim avvalida ustunlik qatarliklar tomonida bo‘ldi va ular yaratilgan vaziyatlarning birini gol bilan yakunlashdi. Gol muallifi — Rivas.
"Lokomotiv" o‘yin oxiriga qadar hujumkorlikni oshirdi. Bir vaziyatda yana o‘sha Zoteev yakkama-yakka vaziyatga chiqib ketishi mumkin edi, ammo to‘pni o‘zidan uzoqlashtirib yubordiyu, imkoniyatni qo‘ldan chiqardi. "Ar-Rayyan" butun jamoa bo‘lib yaxshi himoyalandi va g‘alabani o‘z qo‘lida ushlab qoldi.
"V" gurhida ikkinchi o‘yinda BAAning "Al-Vahda" klubi o‘z uyida Saudiyaning "Al-Ittihod" klubini yirik 4:1 hisobida mag‘lubiyatga uchratdi. Natijada guruhda barcha jamoalar hisobida 3tadan ochko mavjud.
OCHL. "V" guruhi. 2-tur
«Ar-Rayyan» - «Lokomotiv» 2:1 (1:1)
Gollar: Luka de Brito (38), Rivas (58) — Diyor Turopov (4)
"Lokomotiv": 35. Javohir Ilyosov, 5. Anzur Ismoilov, 8. Jamshid Iskanderov, 10. Sardor Mirzayev, 11. Timurxo‘ja Abduxoliqov, 17. Husniddin G‘ofurov, 20. Islom To‘xtaxo‘jayev (S), 23. Yovan Jokich, 24. Davronbek Hoshimov, 33. Oleg Zoteev, 77. Diyorjon Turopov.
"Ar-Rayyan": 01.Fahad Yunus, 02.Muhammad Al Aeldin, 03.Rivas, 05.Traore, 07.Abdulrahmon al-Haraziy, 09.Lukka, 10.Rodrigo Tabata, 13.Viyera, 21.Muhammad Juma, 22.Kox Myong-Jin, 23.Sebastyan Soriya
"AL-VAHDA" - "AL-ITTIHOD" - 4:1
| № | Jamoa | O‘yin | G‘alaba | Durang | Mag‘-t | T - N | Ochko |
|---|---|---|---|---|---|---|---|
| 1 | Al-Ittihod | 2 | 1 | 0 | 1 | 6-5 | 3 |
| 2 | Al-Vahda | 2 | 1 | 0 | 1 | 4-3 | 3 |
| 3 | Lokomotiv | 2 | 1 | 0 | 1 | 3-2 | 3 |
| 4 | Ar-Rayyan | 2 | 1 | 0 | 1 | 3-6 | 3 |
