"Paxtakor" bosh murabbiyi Shota Arveladze "Lokomotiv"ga qarshi kechgan uchrashuv haqida fikrlarini bildirdi.

- O‘yin haqida fikr bildirishdan oldin o‘tgan haftada "Navbahor" muxlislari bilan sodir bo‘lgan qayg‘uli voqeani eslab o‘tmoqchiman. Vafot etganlarning barcha yaqinlariga chuqur hamdardlik bildiramiz.

Qur’a bizga ilk turdayoq mamlakat chempioniga qarshi bahsni taqdim etdi. Uchrashuv teng boshlandi. Bizda ko‘proq vaziyatlar bo‘ldi, g‘alabaga haqli edik. Futbolchilarni tabriklamoqchiman. Bu faqat boshlanishi, hali hech nima o‘zgargani yo‘q. Futbolda eng muhimi - keyingi safar. Endi keyingi o‘yinga tayyorgarlik ko‘ramiz.

Sidiqov o‘ziga xos xususiyatlarga ega futbolchi. Istalgan joyda o‘ynay oladi. Uning uchun eng yaxshi nuqta hujumchi ortida ekanligini bilaman. Ammo bugun, kecha yoki ertaga istalgan joyda o‘ynay oladi.

3:0dan keyin e’tiborni pasaytirmadik, maydonda bizga qarshilik qilayotgan yaxshi saviyadagi jamoa bor edi. Jamoa tartibli o‘ynasa, biz talab qilayotgan barcha narsani futbolchilar bajarsa, murabbiy xursand bo‘ladi. Marat va Dragan, Igor va Dragan bir-birini yaxshi tushunishadi, birga o‘ynay olishadi.