Avval xabar berib o‘tganimizdek, “Qo‘qon-1912” jamoasining Toshkentdagi yig‘ini davom etmoqda. Futbolchilarimiz navbatdagi “vodiy derbisi”da muxlislarni xursand etishni maqsad qilishgan va buning uchun mashg‘ulotlarda astoydil mehnat qilishmoqda.
Qo‘qonliklar yig‘in davomida bitta nazorat uchrashuvini o‘tkazishgandi. Bundan bir necha kun avval No‘’mon Hasanov shogirdlari Pro-liga vakili – “Lokomotiv BFK”ni 7:0 hisobida dog‘da qoldirishgandi.
Rejada yana bitta o‘rtoqlik o‘yini bor. Bu galgi raqib esa ancha jiddiy - mamlakatimizning nomdor jamoalaridan biri “Paxtakor” bo‘ladi. “Sherlar”ga qarshi kechadigan uchrashuv 24 mart kuniga belgilangan. Mazkur bahsning qaysi stadionda o‘tishi va boshlanish vaqti haqida keyinroq ma’lumot berib o‘tamiz.