CHL 1|8 finalida APL vajohati yaqqol sezildi. Kurashni davom ettirish huquqini qo‘lga kiritgan 8ta jamoadan yarmi Angliyadan! Bunaqasi oxirgi marta mavsum-2008|2009da kuzatilgandi.
O‘shanda «Liverpul», «Chelsi», «MYU» va «Arsenal» klublari 1|4 finalga chiqish missiyasini tengdaniga bajargan bo‘lsada, yakunda g‘oliblik boshqa yurt vakiliga nasib etgandi. Vaholanki, APLning 4ta vakilidan 3tasi yarim finalda o‘ynagan...
Qiziq tomoni, 10 yil oldin ham chorak final qur’asi 1ta inglizcha derbi taqdim etgan va aynan «Chelsi» - «Liverpul» to‘qnashuvi butun turnir bezagiga aylangandi (umumiy hisob 7:5, «Chelsi» foydasiga).
Eslasangiz, jamoalar «Stemford Brij»da 4:4 hisobini qayd etgandi. Xullas, yarim finalga Angliyaning 3ta klubi va «Barselona» chiqqan. Hal qiluvchi bahsga kelsak, Xosep Gvardiola boshqaruvidagi Kataloniya jamoasi «MYU»ga imkoniyat qoldirmagandi - 2:0.
Keyingi mavsumlarda APLning CHLdagi vajohati biroz pasaydi:
Mavsum-2009|2010
1|4 final: 2ta klub
1|2 final: yo‘q
***
Mavsum-2010|2011
1|4 final: 3ta klub
1|2 final: 1ta klub
Final: 1ta klub («MYU» hal qiluvchi bahsda yengilgan)
***
Mavsum-2011|2012
1|4 final: 1ta klub:
1|2 final: 1ta klub
Final: 1ta klub («Chelsi» yakunda zafar quchgan)
***
Mavsum-2012|2013
1|4 final: yo‘q
***
Mavsum-2013|2014
1|4 final: 2ta klub
1|2 final: 1ta klub
Final: yo‘q
***
Mavsum-2014|2015
1|4 final: yo‘q
***
Mavsum-2015|2016
1|4 final: 1ta klub
1|2 final: 1ta klub
Final: yo‘q
***
Mavsum-2016|2017
1|4 final: 1ta klub
1|2 final: yo‘q
***
Mavsum-2017|2018
1|4 final: 1ta klub
1|2 final: 1ta klub
Final: 1ta klub («Liverpul» mag‘lubiyatga uchragan)
***
Mavsum-2018|2019
1|4 final: 4ta klub
Darvoqe...
«Chelsi» va «Arsenal»ning YEL chorak finaliga chiqqanini hisobga olsak, APLning yevroarenadagi vajohati yanada dahshatliroq ko‘rinadi: 6ta jamoa. E’tiborlisi, yevrokuboklar yarim finalida APLdan kamida 1ta jamoa bo‘lishi hozirdan ma’lum («Manchester Siti» yoki «Tottenxem»), qolgan 4tasida esa kurashni davom ettirish uchun real imkoniyat bor. Umuman olganda, Angliyadan 6ta klubning yevrokuboklar 1|4 finaliga chiqishi tarixda ikkinchi marta kuzatilmoqda. Birinchisi 48 yil muqaddam, mavsum-1970|1971da ro‘y bergandi.
A.HAMIDOV tayyorladi.
