Xalqaro chempionlar kubogi o‘zining rasmiy Twitter sahifasida 2019 yil ishtirok etadigan klublar nomini e’lon qildi.
Yozgi mavsum oralig‘ida bo‘lib o‘tadigan musobaqada “Milan” (Italiya), “Benfika” (Portugaliya), “Manchester Yunayted” (Angliya), “Bavariya” (Germaniya), “Arsenal” (Angliya), “Yuventus” (Italiya), “Tottenxem” (Angliya), “Inter” (Italiya), “Atletiko” (Ispaniya), “Roma” (Italiya), “Gvadalaxara” (Meksika) va“Real” (Ispaniya) ishtirok etadi.
Xabarlarga qaraganda, ushbu musobaqadagi o‘yinlar Yevropa, Osiyo va AQSH mamlakatlarida bo‘lib o‘tishi taxmin qilinmoqda. Ushbu musobaqaning amaldagi chempioni “Tottenxem” sanaladi va qur’a tashlash marosimi 27 mart kuni bo‘lib o‘tadi.