Халқаро чемпионлар кубоги ўзининг расмий Twitter саҳифасида 2019 йил иштирок этадиган клублар номини эълон қилди.
Ёзги мавсум оралиғида бўлиб ўтадиган мусобақада “Милан” (Италия), “Бенфика” (Португалия), “Манчестер Юнайтед” (Англия), “Бавария” (Германия), “Арсенал” (Англия), “Ювентус” (Италия), “Тоттенхэм” (Англия), “Интер” (Италия), “Атлетико” (Испания), “Рома” (Италия), “Гвадалахара” (Мексика) ва“Реал” (Испания) иштирок этади.
Хабарларга қараганда, ушбу мусобақадаги ўйинлар Европа, Осиё ва АҚШ мамлакатларида бўлиб ўтиши тахмин қилинмоқда. Ушбу мусобақанинг амалдаги чемпиони “Тоттенхэм” саналади ва қуръа ташлаш маросими 27 март куни бўлиб ўтади.