Yurgen Klopp «Liverpul» bosh murabbiyi sifatida ish boshlaganidan buyon ko‘p narsa o‘zgardi - o‘yin uslubi va albatta, ijrochilar ham.
Germaniyalik mutaxassis o‘tgan davr mobaynida 17 nafar futbolchini mersisaydliklar safiga qo‘shdi - ushbu xaridlarning hammasini ham omadli deyish mushkul. Vaholanki, bu ro‘yxatga asosiy tarkib uchun sotib olinmagan Kamil Grabar, Ki-YAna Xuver hamda Net Fillips qo‘shilmagan.
Xo‘sh, Klopp davrida amalga oshirilgan muvaffaqiyatli va muvaffaqiyatsiz 17ta transfer bilan tanishmoqchimisiz? Unda quyidagi fotojamlanmaga e’tibor qarating.
17. LORIS KARIUS
Germaniyalik darvozabonning so‘nggi o‘rinda joylashgani hech kimni hayron qoldirmasa kerak.
16. ALEKS MANNINGER
Tajribali kiper «Liverpul» safida birorta o‘yin o‘tkazmagan bo‘lsada, 16-pog‘onani egalladi.
15. STIVEN KOKER
Klopp Kokerni sotib oldiyu, hujumga tashladi - nega? Aftidan, ommani hayron qoldirmoqchi bo‘lgan.
14. DOMINIK SOLANKE
Umumiy hisobda bitta gol, Angliya termasida bitta o‘yin - va 15 mln. funt daromad. Yomon emas.
13. RAGNAR KLAVAN
Arzon, tajribali futbolchi «Liverpul»ga o‘tishini lotereyada yutuq yutishga tenglashtirgandi.
12. MARKO GRUICH
Kloppning «Liverpul»dagi ilk xaridi «qizillar» safida 14ta o‘yin o‘tkazgach, ijara asosida boshqa jamoalarda to‘p surdi.
11. NABI KEYTA
«Qizillar» bu futbolchining kelishini 12 oy kutishdi. Aslida, shunga arzirmidi?
10. JOEL MATIP
Matip haqida ijobiy yoki salbiy fikr bildirish juda mushkul, biroz o‘ylab ko‘rishga to‘g‘ri keladi.
9. JERDAN SHAKIRI
Ortiqcha bosimsiz, katta ishonch bildirilmagan bu xarid orqali tavakkalga yo‘l qo‘yilmadi, ranjiganlar ham yo‘q.
8. ALEKS OKSLEYD-CHEMBERLEN
Sobiq «kanonir» «Enfild»ga ko‘nikishga ko‘p vaqt sarfladi va yakunda yaxshi formaga kirib, muxlislarni xursand qildi.
7. FABINYO
Start oson bo‘lmadi, ammo hozir Fabinyo «Liverpul» uchun benazir futbolchiga aylandi.
6. ALISSON BEKER
Uning Karius emasligi asosiy ustunligi bo‘lsa, mahoratli darvozabon ekanligi tahsinga sazovor.
5. JORJINYO VEYNALDUM
Bu futbolchiga yetarlicha baho berilmayotgani ko‘p ta’kidlangani sababli, u faqatgina 5-o‘rinni egalladi.
4. SADIO MANE
U ko‘plab gollar uradi va muvaffaqiyatni boshqa hamkasblaridan ko‘chirma olgan holda nishonlaydi, chiroyli kuladi. Uni yaxshi ko‘rmay bo‘ladimi?
3. VIRJIL VAN DEYK
Fanatlar uni uzoq kutishdi. Transfer amalga oshganidan keyin esa van Deyk o‘ziga sarflangan pullarga arzishini darhol isbotladi.
2. MUHAMMAD SALOH
Misrlik futbolchining o‘rniga dastlab Yulian Brandt nomzodi ko‘rilgandi. Ammo sport direktori Maykl Edvards «fir’avn»ga e’tibor qaratishga undadi. 89ta o‘yin, 64ta gol, 24ta samarali uzatma. «O‘xshamagan mavsum»da ham sermahsullik bo‘yicha uni faqat Aguero ortda qoldiryapti, xolos.
1. ENDRYU ROBERTSON
Bugungi kunda o‘z pozisiyasidagi eng yaxshi futbolchilardan biri uchun «Liverpul» atigi 8 mln. funt to‘lagan! Bu Benjamin Mendi tranfseriga ajratilgan summaning 15,4 foizi degani.
