2017 yilgi Osiyo o‘yinlari finalchisi, o‘zbekistonlik sportchi Jahongir Husanov Tailandning Pxuket orolida har yili o‘tkaziladigan nufuzli musobaqada raqibini muddatdan avval nokautga uchratdi. Bu haqda Muaytay federasiyasi matbuot xizmati xabar berdi.
Qayd etish kerakki, O‘zbekistonda Muaytay federasiyasi 1995 yil 1 mayda tashkil etilgan. 2009 yil oktyabr oyida Muaytay federasiyasi O‘zbekiston havaskor va professional muaytay uyushmasiga aylantirildi.
Muaytay bo‘yicha O‘zbekiston milliy terma jamoasi xalqaro musobaqalarda yuqori natijalarga erishgan. 1993 yildan hozirgi kunga qadar yurtimizdan 17 nafar jahon chempioni, 11 nafar Osiyo chempioni, 7 nafar Osiyo o‘yinlari g‘oliblari va yana shuncha Butunjahon o‘yinlari chempioni yetishib chiqqan hamda turli toifada 132 medal qo‘lga kiritilgan.