«Yuventus» bosh murabbiyi Massimiliano Allegri Yevropa chempionlar ligasi chorak final bosqichida «Ayaks»ga qarshi bo‘ladigan o‘yin oldidan o‘z fikrlarini bildirib o‘tdi.

«Ertaga hujumkor va dadil futbol namoyish qilishimiz kerak. Safardan golsiz tark etish haqida fikr bo‘lmasligi lozim. Boisi, «Atletiko»ga qarshi o‘yinda bo‘lgani kabi qiyin vaziyatdan har doim ham chiqib ketib bo‘lmaydi.

Agar qanday voqea yuz bermasa, Ronaldu maydonga tushadi. Afsuski, Kyellini va Emre Jan bizga yordam bera olishmaydi. Qolgan futbolchilar soppa-sog‘.

Duglas Kostaning maydonga tushishi muhim ahamiyatga ega. Paulo Dibala bugungi mashg‘ulotda yaxshi ishtirok etdi. Rugani markaziy himoyada harakat qiladi. Bu uning uchun yaxshi imkoniyat.

Shubhasiz, «Ayaks» «Atletiko»ga o‘xshamaydi. Amsterdamliklar ochiq futbol namoyish etishadi. Shu bois, himoyada diqqat bilan o‘ynashimiz kerak», – dedi Allegri.