Yosh iqtidorli futbolchilardan tashkil topgan jamoa bugun tunda «Yuventus»ni qabul qiladi. Bugungi o‘yin oldidan murabbiy va futbolchilar tomonidan bildirilgan fikr va mulohazalar bilan qiziqdik
Erik ten Xag
Bizni ichki chempionatda 1-pog‘onaga ko‘tarilganimiz chalg‘itib qo‘ymaydi. Sababi, bizning hozirda bor e’tiborimiz «Chempionlar Ligasi»dagi «Yuventus»ga qarshi uchrashuvga qaratilgan. Ronalduning safga qaytganidan hursandman. Mening futbolchilarim kuchli jamoalarga qarshi maydonga tushishni yoqtirishadi. Afsuski, Kiyellini uchrashuvni o‘tkazib yuboradi. U hozirda sayyoramizning eng kuchli himoyachilaridan biri. Umid qilaman «Yuve» uning o‘rnini boshqa futbolchilar bilan to‘ldira oladi. De Yong jarohatidan qutildi lekin, uning asosiy tarkibda tushish yoki tushmasligini o‘yin oldi mashg‘ulotlarda hal qilamiz. Biz bu uchrashuv uchun alohida taktikadan foydalanish niyatimiz yo‘q. Shunchaki o‘z o‘yinimizni ko‘rsatmoqchimiz. Umid qilaman-ki, «Real Madrid»dan o‘tganimizdek «Yuventus»dan ham o‘ta olamiz.
De Yong
Biz Ronalduning safga qaytganidan xursandmiz. Sababi, g‘alaba qozonganimizdan «so‘ng raqib tarkibida Krish bo‘lmagan edi»,- degan gapni eshitishni xohlamaymiz. Biz bu bosqichdagi jamoalar bilan bir xil darajada ekanligimizni isbotlashimiz uchun ham ertangi uchrashuvda o‘z o‘ynimizni ko‘rsatishimiz shart!
Allegri
Mening jamoam har qanday raqibni yengga oladi. Aynan shu sabab biz shu bosqichgacha yetib keldik deb hisoblayman. Ronaldu o‘zini yaxshi his qilmoqda, Manjukich va Dibala o‘yinga to‘liq tayyor. Xedira borasida bunday deya olmayman. Uning jarohati biroz jiddiyroq ko‘rinmoqda.
Ronaldu
Futbolchi bosimga dosh berishi, bu bosimdan rohat olib to‘p surishni o‘rganish kerak. Biz chempionlar ligasida va ichki chempionatda chiroyli o‘yin ko‘rsatyapmiz. Raqiblarimizda «Yuventus»ni yengish uchun kichik imkoniyat mavjud deb hisoblayman. Men avval ham «Ayaks» darvozasini ishg‘ol qilganman, ertangi uchrashuvda ham bu ishni uddasidan chiqishga urinib ko‘raman. Bu juftlikda biz baribir fovoritmiz deb o'ylayman.
