Akademik eshkak eshish bo‘yicha yoshlar terma jamoasi joriy yil oldinda kutib turgan xalqaro musobaqalarga jiddiy hozirlik ko‘rmoqda.
Ushbu tayyogarlik doirasida jamoamizning 5 nafar vakili kecha Xitoyning Yanchjou shahriga yo‘l olishdi.
Mazkur yig‘in 10 maygacha davom etib, unda 4 nafar sportchi va 1 murabbiy ishtirok etadi. Xitoy safariga quyidagi sportchilarimiz yo‘l olishgan: Sultonali Abduvaliyev, Fazliddin Karimov, Mehrojbek Mamatqulov, Sobirjon Safaraliyev.
Ta’kidlash joiz, akademik eshkak bo‘yicha kattalar terma jamoasi ayni paytda Toshkent dengizida yig‘in o‘tkazmoqda. Mazkur mashg‘ulotlarga 27 nafar sportchi jalb qilingan.
