BAAning Fujayra shahrida dzyudo bo‘yicha Osiyo-Okeaniya chempionatining yakkalik bellashuvlari o‘z yakuniga yetdi. Quvonarlisi, ushbu kun ham terma jamoamiz vakillari uchun muvaffaqiyatli yakunlandi.
-100 kilogramm vazn toifasida tatamiga chiqqan Muhammadkarim Xurramov musobaqaning bronza medalini qo‘lga kiritdi. Yarim finalda imkoniyatni boy berib qo‘ygan polvonimiz bronza medali uchun kechgan bellashuvda pokistonlik Husayn Shohni mag‘lub etdi.
Shu tariqa terma jamoamiz vakillari mazkur Osiyo-Okeaniya chempionatini 1 ta oltin, 2 tadan kumush va bronza medallari bilan yakunlashdi. Eslatib o‘tamiz, ushbu yutuq orqali dzyudochilarimiz Tokio Olimpiadasi reytingiga ham qimmatli ochkolarni o‘z hisoblariga yozib qo‘yishdi.