Sizga yaxshi ma’lumki, «Yuventus» A Seriyaning 33-turida «Fiorentina»ni mag‘lub etib (2:1), chempionat g‘olibiga aylandi, jamoa yetakchilaridan biri Krishtianu Ronaldu esa birinchi marta va dastlabki maqsumdayoq Italiya chempioni bo‘ldi.
Eslatib o‘tamiz, 34 yoshli portugaliyalik “megayulduz” «Manchester Yunayted» tarkibida 3 karra Angliya, «Real» bilan esa 2 marta Ispaniya chempioni bo‘lishga erishgandi. Shu tariqa, u Angliya, Ispaniya va Italiya chempionatlarida g‘alaba qozongan tarixdagi 1-raqamli futbolchiga aylandi.
Krishtianu Ronaldu Italiyadagi ilk mavsumdayoq 27ta o‘yinida 19ta gol (11ta gol+pas) kiritishga erishdi.
Shu o‘rinda ta’kidlash kerakki, Turin klubi muddatidan oldin, liga yakuniga 5ta tur qolganida qatorasiga 8-marta bosh sovrinni o‘ziniki qilib oldi. Endilikda «Yuve» muzeyidan 35-skudetto joy oladi. Har ikkala ko‘rsatkich – jami 35 marta va uzluksiz 8 mavsum chempion bo‘lish A Seriya uchun rekord natija sanaladi. Rasman 117 marotaba o‘tkazilgan birinchilikda g‘olib chiqish bo‘yicha ikkinchi o‘rin «Milan» va «Inter» klublariga tegdi – milanliklar 18 martadan Italiya chempioni bo‘lishgan.
Ta’kidlash o‘rinliki, A seriyada eng ko‘p chempion bo‘lgan ham “keksa senyoralar” bo‘lishdi. Ular 2012- 2019 yilgacha ketma-ket 8 marta oltin medallarga sazovr bo‘lishdi. Bu borada ularga chqinroq natija ko‘rsatganlar - Inter(2006-2010) va Torino (1943-1949)jamoalari ketma-ket 5 martadan chempion bo‘lishgan.
Aytgancha, jamoa bosh murabbiyi Massimo Allegri TOP-5 milliy chempionatlarida bir jamoa safida ketma-ket 5 marta chempion bo‘lgan 2-murabbyi bo‘ldi. Allegridan oldin Migel Munos Ispaniya premyerosida 1961-1965 yillar davomida “Real” Madrid bilan xuddiy shunday natija qayd etgan ekan...
