Сизга яхши маълумки, «Ювентус» А Сериянинг 33-турида «Фиорентина»ни мағлуб этиб (2:1), чемпионат ғолибига айланди, жамоа етакчиларидан бири Криштиану Роналду эса биринчи марта ва дастлабки мақсумдаёқ  Италия чемпиони бўлди.

Эслатиб ўтамиз, 34 ёшли португалиялик “мегаюлдуз” «Манчестер Юнайтед» таркибида 3 карра Англия, «Реал» билан эса 2 марта Испания чемпиони бўлишга эришганди. Шу тариқа, у Англия, Испания ва Италия чемпионатларида ғалаба қозонган тарихдаги 1-рақамли футболчига айланди.

Криштиану Роналду Италиядаги илк мавсумдаёқ 27та ўйинида 19та гол (11та гол+пас)   киритишга эришди.

Шу ўринда таъкидлаш керакки, Турин клуби муддатидан олдин, лига якунига 5та тур қолганида қаторасига 8-марта бош совринни ўзиники қилиб олди. Эндиликда «Юве» музейидан 35-скудетто жой олади. Ҳар иккала кўрсаткич – жами 35 марта ва узлуксиз 8 мавсум чемпион бўлиш А Серия учун рекорд натижа саналади. Расман 117 маротаба ўтказилган биринчиликда ғолиб чиқиш бўйича иккинчи ўрин «Милан» ва «Интер» клубларига тегди – миланликлар 18 мартадан Италия чемпиони бўлишган.

Таъкидлаш ўринлики, А серияда энг кўп чемпион бўлган ҳам “кекса сеньоралар” бўлишди. Улар 2012- 2019 йилгача кетма-кет 8 марта олтин медалларга сазовр бўлишди. Бу борада уларга чқинроқ натижа кўрсатганлар -  Интер(2006-2010)  ва Торино (1943-1949)жамоалари кетма-кет 5 мартадан чемпион бўлишган.

Айтганча, жамоа бош мураббийи Массимо Аллегри ТОП-5 миллий чемпионатларида  бир жамоа сафида кетма-кет 5 марта чемпион бўлган 2-мураббйи бўлди. Аллегридан олдин  Мигель Мунос Испания премьеросида 1961-1965 йиллар давомида “Реал” Мадрид билан худдий шундай натижа қайд этган экан...