«Barselona» yarim himoyachisi Serxio Buskets Ispaniya La ligasining 34-turi doirasida bo‘lib o‘tgan «Alaves»ga qarshi o‘yin (2:0)dan so‘ng o‘z fikrlarini bildirib o‘tdi.

«O‘z uyimizda oltin medalni qo‘lga kiritishni istaymiz. Bu tarix. Albatta, «Alaves»ga qarshi o‘yinda qo‘lga kiritilgan g‘alaba mavsum davomida sidqidildan qilingan mehnatning samarasi bo‘ldi. Lekin biz chempionlik sovrini o‘z muxlislarimiz qarshisida qo‘lga kiritilishini xohlaymiz», – dedi futbolchi.

Eslatib o‘tamiz, bugun «Atletiko» «Valensiya»ga imkoniyatni boy bersa, kataloniyaliklar muddatidan oldin chempionlikni rasmiylashtirishadi. Aks holda, "ko‘k-anorranglilar" chempionlik masalasini 27 aprel "Levante" bilan bo‘ladigan o‘yinda hal qilishlari kerak.