PSJ hujumchisi Neymar jamoasining Fransiya Kubogi musobaqasida “Renn”ga mag‘lub bo‘lganini xazm qila olmadi.

Braziliyalik futbolchi sovrin topshirish uchun tashkil qilingan yo‘lakchada PSJ muxlisi bilan gap talashib, uning yuziga tarsaki tushirdi.

Shuningdek, u uyin yakunlangach mag‘lubiyatga klubning yosh futbolchilari sababchi ekanligini ham aytgan.

Worldnews.uz axborot agentligining ma’lum qilishicha, Neymar yosh futbolchilar bilan PSJ uzoqqa bormasligini, ular bunday klubga mos emasligini ta’kidlagan.

Ma’lumot o‘rnida, Neymar uch oylik jarohatidan qaytgach, PSJ safida yanvardan beri birinchi marta gol urdi. Ammo Neymar gol urgan o‘yinda PSJ asosiy daqiqalarda 2:2 hisobida o‘ynab, penaltilar seriyasida 6:5 hisobida mag‘lubiyatga uchradi.