ПСЖ ҳужумчиси Неймар жамоасининг Франция Кубоги мусобақасида “Ренн”га мағлуб бўлганини хазм қила олмади.
Бразилиялик футболчи соврин топшириш учун ташкил қилинган йўлакчада ПСЖ мухлиси билан гап талашиб, унинг юзига тарсаки туширди.
Шунингдек, у уйин якунлангач мағлубиятга клубнинг ёш футболчилари сабабчи эканлигини ҳам айтган.
Worldnews.uz ахборот агентлигининг маълум қилишича, Неймар ёш футболчилар билан ПСЖ узоққа бормаслигини, улар бундай клубга мос эмаслигини таъкидлаган.
Маълумот ўрнида, Неймар уч ойлик жароҳатидан қайтгач, ПСЖ сафида январдан бери биринчи марта гол урди. Аммо Неймар гол урган ўйинда ПСЖ асосий дақиқаларда 2:2 ҳисобида ўйнаб, пенальтилар сериясида 6:5 ҳисобида мағлубиятга учради.
