Ko‘plab sport turlari bo‘yicha terma jamoamiz vakillari ayni paytda Tokio Olimpiadasiga qizg‘in hozirlik ko‘rmoqda. Jumladan, chim ustida xokkey bo‘yicha terma jamoamiz ham.
6-16 iyun kunlari Hindistonning Bxubaneshvar shahrida chim ustida xokkey bo‘yicha Osiyo qit’asi uchun Tokio Olimpiadasiga yo‘llanma beruvchi xalqaro musobaqa bo‘lib o‘tadi. Terma jamoamiz vakillari ushbu turnirga hozirlik ko‘rish uchun Pokistonning Laxor shahriga jo‘nab ketishdi.
Jamoamiz Laxorda 10 mayga qadar o‘quv-mashg‘ulot yig‘inini o‘tkazadi. Ushbu vaqt oralig‘ida mahalliy jamoalar bilan nazorat o‘yinlarini ham tashkil qilish rejasi kiritilgan.
