“Barselona”ni mavsum so‘nggida 10 nafar futbolchi tark etishi mumkin, deb xabar beradi As nashri.

Kataloniya klubini ijaraga olingan futbolchilar Jeyson Murilyo va Kevin-Prins Boateng aniq tark etishadi. 

Shuningdek Tomas Vermalen ham jamoasini o‘zgartiradi. Shu bilan birgalikda “Barselona”ni Yasper Sillesen ham tark etadi. 

Ayni damda klub yarim himoyachi Filippe Koutinyoniga xaridor izlamoqda. Rahbariyat braziliyalik futbolchini 100 mln yevro evaziga sotib yuborishga qarshi emas. 

Agarda “Ayaks” himoyachisi Matteys de Ligt “ko‘k-anorranglilar” safiga qo‘shilsa, Samyuel Umtiti ham o‘ziga boshqa jamoa izlashga majbur bo‘ladi. 

Qolaversa “Barselona” Malkomni 35 mln yevroga sotib yubormoqchi.  Ivan Rakitich ham yozda jamoasini o‘zgartirishi mumkin.

Mundo Deportivo nashrining xabar berishicha xorvatiyalik futbolchining xizmatiga “Inter” jiddiy tarzda qiziqish bildirmoqda. 

Rafinya Alkantaraning kelajagi ham so‘roq ostida turibdi. “Arsenal” Denis Suaresni sotib olmasligi tobora aniqlashmoqda, ammo kataloniyaliklar uni ham jamoada olib qolish niyati yo‘q.