Xabar berganimizdek, 15-19 may kunlari Angliyaning Manchester shahrida taekvondo bo‘yicha navbatdagi jahon chempionati bo‘lib o‘tadi. Mazkur musobaqa Tokio Olimpiadasiga eng yirik reyting ochkolarini taqdim etuvchi turnirdir. Shu bois ham unda jahonning 100dan ziyod mamlakatidan tashrif buyuradigan taekvondo ustalari ishtirok etishi kutilmoqda.
Bugun erta tongda O‘zbekiston terma jamoasi vakillari ham Manchester safariga jo‘nab ketishdi. Delegasiyamiz Toshkent-Istambul-Manchester yo‘nalishi bo‘yicha parvoz qilishadi. Mazkur jahon chempionatida ishtirok etuvchi terma jamoamiz tarkibini yana bir bor eslatib o‘tamiz:
Erkaklar:
-54 kg: Valentin Xegay
-58 kg: Suhrob Bobobekov
-74 kg: Nikita Rafalovich
-80 kg: Shuhrat Salayev
-87 kg: Maksim Rafalovich
+87 kg: Dmitriy Shokin
Ayollar:
-49 kg: Madinabonu Mannopova
-53 kg: Charos Qayumova
-57 kg: Zariya Qosimova
-62 kg: Feruza Sodiqova
-67 kg: Nigora Tursunqulova
+73 kg: Svetlana Osipova
O‘zbekiston Milliy olimpiya qo‘mitasi taekvondo bo‘yicha mamlakat terma jamoasiga jahon chempionatida omad va muvaffaqiyatlar tilab qoladi. Musobaqada qayd etiladigan natijalar bilan rasmiy saytimiz orqali xabardor bo‘lib borishingiz mumkin bo‘ladi.
