Ozarboyjon futbol federasiyalari assosiasiyasi (AFFA) bosh kotibi Elxan Mammadov 29 may kuni Boku shahrida bo‘lib o‘tadigan Yevropa ligasi finalida "Arsenal"ning arman millatiga mansub futbolchisi Genrix Mxitaryanning hech narsa havf solmasligini ma’lum qildi.

"Bizning davlat organlarmiz Mxitaryanning Bokuga kelishi borasida UYEFAga kafolat berdi. Xavfsizlikni ta’minlashda muammo yo‘q. Biz "Arsenal" hali finalga chiqmasidan avvalroq UYEFAdan so‘rovnoma olganmiz. Hukumat organlari Mxitaryanning Bokuga kelishi borasida barcha xavfsizlik choralarini ko‘radi", - deydi Mammadov.

Avvalroq, The Times nashri Mxitaryanning Yevropa ligasi finalida qatnashmasligi haqida xabar tarqatgan edi.

Armaniston va Ozarboyjon davlatlari o‘rtasida Qorli Qorabog‘ hudud tufayli kelishmovchilik bor.