Xabaringiz bor, kecha O‘zbekiston U-18 terma jamoasi Andijonda Berlin –U18 jamoasi bilan o‘ynadi. Uchrashuvning ikkinchi bo‘limida terma jamoamiz futbolchisi Jasur Jaloliddinov zaxiraga olinayotgan vaqtda muxlislar xushtakbozlik qilishdi. O‘yindan keyingi matbuot anjumanida terma jamoa ustozi Otabek G‘ulomxo‘jayev mazkur vaziyat haqida ham gapirib o‘tdi.
“Jasur Jaloliddinov zaxiraga olinayotganida muxlislar biroz e’tirozli oxangda baqirishdi. Chunki u «Bunyodkor» safida "Andijon"ga gol urgandi. Uni o‘yindan olganimdan so‘ng Jasurga muxlislarning bunday hayqirig‘i o‘sha golingniki, agar gol urmoqchi bo‘lsang uchta gol urgin, bo‘lmasa umuman gol urmagin deb hazillashib qo‘ydim”, deya murabbiyning so‘zlarini keltiradi Stadion.uz muxbiri Jaloliddin Qobiljonov.
Eslatib o‘tamiz, O‘zbekiston Superligasining 4-turida "Bunyodkor" "Andijon"ni Jaloliddinovning yagona goli evaziga mag‘lub etgandi.