Хабарингиз бор, кеча Ўзбекистон U-18 терма жамоаси Андижонда Берлин –U18 жамоаси билан ўйнади. Учрашувнинг иккинчи бўлимида терма жамоамиз футболчиси Жасур Жалолиддинов захирага олинаётган вақтда мухлислар хуштакбозлик қилишди. Ўйиндан кейинги матбуот анжуманида терма жамоа устози Отабек Ғуломхўжаев мазкур вазият ҳақида ҳам гапириб ўтди.
“Жасур Жалолиддинов захирага олинаётганида мухлислар бироз эътирозли охангда бақиришди. Чунки у «Бунёдкор» сафида "Андижон"га гол урганди. Уни ўйиндан олганимдан сўнг Жасурга мухлисларнинг бундай ҳайқириғи ўша голингники, агар гол урмоқчи бўлсанг учта гол ургин, бўлмаса умуман гол урмагин деб ҳазиллашиб қўйдим”, дея мураббийнинг сўзларини келтиради Stadion.uz мухбири Жалолиддин Қобилжонов.
Эслатиб ўтамиз, Ўзбекистон Суперлигасининг 4-турида "Бунёдкор" "Андижон"ни Жалолиддиновнинг ягона голи эвазига мағлуб этганди.