Bugun Polshada 20 yoshgacha bo‘lgan futbolchilar o‘rtasida Jahon chempionati boshlanadi. Mazkur kichik mundialda ishtirok etish uchun O‘zbekistondan hakam Ilgiz Tantashev taklif etilgani haqida avval xabar berib o‘tgandik. Tantashevdan tashqari hamyurtimiz, FIFA instruktori Farhod Abdullayev ham Jahon chempionati o‘yinlarida hakam nazoratchisi sifatida faoliyat olib boradi.

Bugun "B" guruhidan o‘rin olgan 1-tur o‘yinida Meksika terma jamoasi Italiyaga qarshi bahs olib boradi. Farhod Abdullayev mazkur uchrashuvda hakamlar ishini nazorat qiladi. O‘yinni braziliyalik referi Rafael Klaus boshqaradi. Unga qanotlarda Danilo Simon Manis va Bruno Pereslar yordam berishadi. To‘rtinchi hakam Gonsales Kabrera (Urugvay).

U-20 Jahon chempionati
"B" guruhi
Meksika - Italiya
Bosh hakam: Rafael Klaus (Braziliya)
Yon hakamlar: Danilo Simon Manis va Bruno Peres (Braziliya)
To‘rtinchi hakam: Gonsales Kabrera (Urugvay)
Hakam nazoratchisi: Farhod Abdullayev (O‘zbekiston)